काठमाडौं– सुनकोशी नदी किनारामा अवस्थित सिन्धुलीको सुनकोशी गाउँपालिका–५ स्थित मुलकोट बजार क्षेत्र गत वर्ष सुनकोशी नदीमा आएको बाढीले क्षतिग्रस्त बनाएको थियो ।

बीपी राजमार्ग निर्माण भएपछि बगरका रूपमा रहेको सुनकोशी नदी किनारमा रहेको मूलकोट शहरका रूपमा परिणत हुँदै गएको थियो । रोशी नदी र सुनकोशी किनार हुँदै बीपी राजमार्ग निर्माण भएपछि मूलकोट बजारका रूपमा स्थापित हुँदै गएको थियो ।  

नदी किनार अत्यधिक दोहन हुँदै गएपछि गत वर्ष असोज १० गतेदेखि १२ गतेसम्म आएको अविरल वर्षाका कारण रोशी र सुनकोशीमा बाढी आयो । बाढीले अकल्पनीय क्षति हुन पुग्यो । बीपी राजमार्ग क्षत विक्षत भयो । कुरुप बनेको मूलकोट अहिले पुनः लयमा फर्किंदै आएको छ । वर्षामा आउने बाढीका कारण जोखिम भने उत्तिकै छ ।

तस्बिर/युवराज भट्टराई