काठमाडौं – इस्लामको सबैभन्दा महत्त्वपूर्ण संस्कार हजमा दस लाखभन्दा बढी धार्मिक तीर्थयात्री सहभागी भएका छन् । साउदी अरबले यो संस्कार सम्पन्न गर्न हतार र सङ्घर्ष गरिरहेको छ । गत वर्षको भीषण गर्मीमा १००० बढी हज यात्रीको ज्यान गएको थियो ।

साउदी अरबको अहिले तत्कालको तापक्रम ४० डिग्री सेल्सियस (१०४ डिग्री फरेनहाइट) भन्दा माथि जान सक्ने अनुमान छ । तीर्थयात्रीले बिस्तारैबिस्तारै काबाको परिक्रमा गरिरहेका छन् । मक्कास्थित मस्जिदको केन्द्रमा रहेको ब्लाक क्युब सबैभन्दा पवित्र स्थल मानिन्छ ।

साउदी अरबका मिडियाका अनुसार मक्काको बाहिरी क्षेत्रमा रहेको विशाल टेन्टले निर्माण भएको मीना शहरमा तीर्थयात्री पुग्न थालेका छन् । जहाँ उनीहरू बिहीबार हजको उच्चतम विन्दुमा पुग्नेछन् र त्यसअघि जागराम बस्नेछन् । उनीहरूले माउन्ट अराफातमा प्रार्थना गर्नेछन् । जहाँ पैगम्बर मोहम्मदले आफ्नो अन्तिम उपदेश दिएको विश्वास गरिन्छ ।

साउदी अधिकारीले हज यात्री छायाँमा बस्न सकून् भनेर अतिरिक्त शितल ठाउँहरू उपलब्ध गराएका छन् । हजारौं अतिरिक्त चिकित्सकलाई तैनाथ गरिएको छ । गत वर्षको जस्तो स्थिति नआओस् भन्नका लागि ४०० शितल क्षेत्रहरू तोकिएको छ ।

गत वर्ष साउदीमा ५१.८ सेल्सियस (१२५.२ फरेनहाइट) तापक्रम पुगेको थियो । जसका कारण १३०१ व्यक्तिको मृत्यु भएको थियो ।
– एएफपी