काठमाडौं– नेकपा माओवादी केन्द्रको पदाधिकारी बैठक जारी छ । आजको बैठकमा ‘जनतासँग माओवादी तराई–मधेश जागरण अभियान’को समीक्षा भइरहेको पार्टी सचिव राम कार्कीले खबरहबलाई जानकारी दिए ।

नेकपा माओवादी केन्द्रले ४५ दिनसम्म तराई मधेसका २० जिल्ला भ्रमण गरेर त्यहाँको स्थितिका विषयमा स्थानीयसँग अन्तर्क्रिया गरेको थियो ।

वैशाख १७ गते अभियान सकेको माओवादीले अभियानबाट आएका सुझावलाई समेटेर प्रतिवेदन बनाउने बताएको छ ।

अभियानको नेतृत्व अध्यक्ष प्रचण्ड आफैँले गरेका थिए । अभियानमा पदाधिकारी र जिल्ला नेताहरूको उपस्थिति थियो ।

यो यात्रामा माओवादीलाई २० जिल्लाका स्थानीयले ज्ञापन–पत्र र मानपत्र दिएको र त्यसलाई सम्बन्धित निकायमा पुर्‍याउन पार्टीले पहल गर्ने उपमहासचिव शक्ति बस्नेतको भनाइ छ ।