काठमाडौं– नेपाली कांग्रेसका केन्द्रीय सदस्य प्रदीप पौडेलले निर्वाचन अगाडि महाधिवेशन गर्नका लागि कार्यतालिका आज सार्वजनिक गर्ने दाबी गरेका छन् ।

आज बस्ने कार्य सम्पादन समितिको बैठक पछाडि महाधिवेशनको तालिका सार्वजनिक हुने उनको दाबी छ । 

‘हामी सबैको लगभग सहमति जुटेको छ निर्वाचन अगाडि नै पार्टीको महाधिवेशन गर्नुपर्छ भन्नेमा । आजको कार्यसम्पादन बैठक पछाडि महाधिवेशन कार्यतालिका सार्वजनिक हुन्छ।’ पौडेलले खबहबलाई भन,’कार्यतालिका सार्वजनिक गर्ने कुरामा लगभग सबै सहमत देखिनुहुन्छ। मलाई लाग्छ आजको बैठकमा कार्यवाहक सभापतिले पनि क्लियर गराएर महाधिवेशन निर्वाचन अगाडि नै गर्ने बाटो बनाउनुहुन्छ।’ 

पौडेल फागुन २१ गते हुने निर्वाचन अगाडि महाधिवेशन हुन्छ कि पछाडि भन्नेमा भने यकिन धारणा दिन सक्दैनन् । 

यसबारे उनले भने,’हाम्रो प्रयास त फागुन २१ को निर्वाचन अगाडि नै पार्टीको महाधिवेशन गरौँ भन्ने छ । जसरी पनि हामी यो बाटोमा जान्छौँ।’