काठमाडौं– नेपाली कांग्रेसकी केन्द्रीय सदस्य ईश्वरी न्यौपानेले कांग्रेस नसच्चिए ०८४ को निर्वाचनमा जे पनि हुने सक्ने बताएकी छन् । कांग्रेस केन्द्रीय कार्यसमितिको बिहीबारको बैठकमा धारणा राख्ने क्रममा उनले पार्टी नसच्चिए आगामी ०८४ को निर्वाचनमा जे पनि हुन सक्ने बताएकी हुन् । 

‘आज कांग्रेसले कांग्रेसलाई जताततै गाली गरिरहेको छ । एकले अर्कालाई गाली गर्न छाडौँ । अनुशासन छैन हामीमा ?,’ न्यौपानेको भनाइ उद्धृत गर्दै एक केन्द्रीय सदस्यले भने, ‘यस्तै हुने हो भने अब आउने ०८४ को चुनावमा जे पनि हुन सक्छ । तर, हामी एक हुने हो भने ०८४ को चुनाव कांग्रेसकै हो ।’

सांसदसमेत रहेकी नेतृ न्यौपानेले चित्त नबुझेका कुराहरू भन्न पाउने भए पनि पार्टीका नेताहरूलाई सामाजिक सञ्जालमा लखेट्न नहुने पनि बताइन् ।

 ‘चित्त नबुझेको कुरा भन्नुपर्ने हुन्छ तर दलका साथीहरूलाई सामाजिक सञ्जालमा उडाउने ?,’ उनले बैठकमा भनिन् ।