काठमाडौं– गोदरेज नेपालले पश्चिम नेपालमा एक डिलर मिट आयोजना गरेको छ । यस कार्यक्रममा कम्पनीले नवीनतम् उत्पादनको प्रदर्शनी गर्दै बजार प्रवृत्ति र व्यावसायिक रणनीतिमा छलफल गरेको थियो ।

कार्यक्रममा गोदरेज नेपालका प्रतिनिधिहरूले कम्पनीको प्रगति, उत्पादन नवीनीकरण, र प्रतिस्पर्धी बजारमा अग्रसर हुने योजनाहरू प्रस्तुत गरे। डिलरहरूले पनि व्यावसायिक अनुभव र चुनौतीहरूबारे अन्तरक्रियात्मक सत्रहरूमा सहभागिता जनाए ।

फ्रिज, चेस्ट फ्रिजर, वासिङ मेसिन, एयर कन्डिसनर, एयर कूलर लगायतका उत्पादनको गुणस्तर, ऊर्जा-सक्षम प्रविधि, र ग्राहक-मुखी डिजाइनहरूबारे प्रयोगात्मक प्रदर्शन गरिएको थियो ।

गोदरेज नेपालका व्यापार इकाई प्रमुख, धर्मेन्द्र जोशीले भने, ‘यो कार्यक्रमले पश्चिम नेपालमा हाम्रो डिलर नेटवर्क र ग्राहकसँगको विश्वासलाई अझ बलियो बनाउने मार्ग प्रशस्त गरेको छ। हामी नवप्रवर्तन र सहकार्यमा अग्रसर रहने प्रतिबद्ध छौँ।’