काठमाडौं- प्रमुख प्रतिपक्षी दल नेकपा माओवादी केन्द्रले केन्द्रीय कमिटीको बैठकको एजेण्डा तय गरेको छ ।

आगामी पुस २१ गतेदेखि सुरू हुने केन्द्रीय समितिको बैठकका लागि अजेन्डा तय गरेको प्रवक्ता अग्निप्रसाद सापकोटाले जानकारी दिए ।

पूर्वउपराष्ट्रपति नन्दकिशोर पुन पासाङसमेत उपस्थित स्थायी समिति बैठकले केन्द्रीय समितिमा अध्यक्ष पुष्पकमल दाहाल प्रचण्डले ब्रिफिङ गर्ने, दोस्रोमा प्रदेशका अध्यक्षहरूले रिपोर्टिङ गरिने र प्रचण्डले राजनीतिक प्रतिवेदन पेश गर्ने एजेण्डा तय गरेको जानकारी सापकोटाले दिए ।

अन्तर्राष्ट्रिय परिवेशलाई ध्यानमा राखेर राष्ट्रिय विषयका सवालमा ध्यान दिनुपर्नेलगायत बिषयमा आजको बैठकमा छलफल भएको तियो ।

माओ‌वादीले त्रिभुवन विश्वविद्यालयको सिनेटको बैठक सम्बन्धित प्राज्ञिक स्थानमै गएर गर्नुपर्ने निष्कर्ष निकालेको छ।

प्रधानमन्त्री केपी शर्मा ओलीले त्रिविको सिनेट बैठक सिंहदरबारमा गरेर मेरिटोक्रेसी र पारदर्शीताविपरीत काम गरेको माओवादीले निष्कर्ष निकालेको छ ।