एजेन्सी – श्रीलंकाले न्युजिल्यान्ड  विरुद्धको टी २० शृङ्खला २–१ ले जितेको छ । बिहीबार भएको अन्तिम तथा तेस्रो खेलमा श्रीलंकाले न्युजिल्यान्डलाई ७ रनले हराएको हो। 

श्रीलंकाले दिएको २१९ रनको लक्ष्य पछ्याएको न्युजिल्यान्डले ७ विकेटको क्षतिमा २११ रन जोड्यो । न्युजिल्यान्डका रचिन रवीन्द्रले ३९ बलमा ६९ तथा डेरी मिचेलले १७ बलमा ३५ रन प्रहार गरे पनि त्यो जितका लागि पर्याप्त भएन । ज्याकरी फल्क्सले १३ बलमा २१ रन प्रहार गरे । टिम रोबिन्सनले २१ बलमा ३७ रन प्रहार गरे । 

चारिथ अलासान्काले ३ विकेट लिए पनि ४ ओभरमा ५० aरन खर्चिए । यस अघि टस हारेर पहिले ब्याटिङ गरेको श्रीलंकाले ५ विकेटको क्षतिमा २१८ रन जोडेको हो । श्रीलंकाका लागि कुशल पारीले १०१ रन जोडे । 

४६ बलको सामना गरेका उनले यस क्रममा १३ चौका र ४ छक्का प्रहार गरे  कप्तान अलासान्काले २४ बलमा ४६ रन प्रहार गरे । परेरा खेलका म्यान अफ द म्याच समेत घोषित भए । न्युजिल्यान्डका ज्याकोब डफी म्यान अफ द सिरिज घोषित भए ।