काठमाडौं– नेपाली कांग्रेसको भ्रातृ संगठन नेपाल तरुण दलले पूर्वनिर्धारित तरुण भेला स्थगित गरेको छ ।
तरुण दलका मुख्य सचिव ठानप्रसाद पोखरेलले सूचना जारी गर्दै पुस २२ र २३ का लागि तय भएको भेला स्थगित गरिएको जानकारी दिए ।
यसअघि तरुण दलले केन्द्रीय सदस्य र जिल्ला अध्यक्षहरूको दुई दिने तरुण भेला गर्ने बताएका थियो । मुख्य सचिव पोखरेलद्वारा जारी सूचनामा उक्त तरुण भेला विशेष कारणले स्थगित गरिएको उल्लेख छ ।
तरुण दलले स्थगित भेला फेरि कहिले बोलाउने भन्ने बारेमा केही खुलाएको छैन । भेला मातृ पार्टीको केन्द्रीय कार्यालय सानेपामा आयोजना गरिने बताइएको थियो ।
प्रतिक्रिया