काठमाडौं– नेपाली कांग्रेसका केन्द्रीय सदस्य कल्याणकुमार गुरूङले ०८४ मा हुने तीनवटै तहको निर्वाचनका लागि अहिले नै उम्मेदवार घोषणा गर्नुपर्ने बताएका छन् ।

प्रतिनिधिसभा, प्रदेशसभा र स्थानीय तहको निर्वाचनका लागि कांग्रेसले उम्मेदवार घोषणा गरेर अहिलेदेखि नै मतदाता माझ पठाउनुपर्ने बताएका हुन् ।

‘नेपाली कांग्रेसले १६५ जना प्रतिनिधिसभा, ३३० जना प्रदेशसभा र ७५३ जना स्थानीय तहका उम्मेदवारहरू वैधानिक रूपले घोषणा गरेर मतदाताहरू माझ अहिले नै पठाउनु पर्छ,’ गुरूङले फेसबुकमा लेखेका छन् ।

उम्मेदवारहरूको घोषणा धेरैलाई चाँडो लागे पनि पार्टीले धेरै मेहनत गर्नुपर्ने भएकाले उम्मेदवार तय गर्न ढिलो भइसकेको नेता गुरूङको जिकिर छ ।

‘धेरैलाई यो निर्णय चाँडो लाग्न सक्छ । तर, धेरै ढिलो भइसक्यो । धेरै मेहनत गर्नु पर्नेछ,’ उनले लेखेका छन् ।