काठमाडौं– नेपाल विद्युत प्राधिकरणको कार्यकारी निर्देशकबाट हटाइएका कुलमान घिसिङ र उक्त पदमा नियुक्त हितेन्द्रदेव शाक्यले सर्वोच्चमा दर्ता गरेको रिटको सुनुवाइ न्यायाधीशद्वय कुमार चूडाल र नित्यानन्द पाण्डेयको इजलासमा तोकिएको छ । 

यसअघि आइतबार प्रधानन्यायाधीश प्रकाशमान सिंह राउत र न्यायाधीश सारंगा सुवेदीको संयुक्त इजलासमा परेको पेसी सुनुवाइ नभइ स्थगित भएको थियो ।

घिसिङले प्राधिकरणमा आफ्नो पदावधि बाँकी हुँदै सरकारले बदनियतपूर्वक हटाएको भन्दै थमौतीका लागि अन्तरिम आदेशको माग गरेका छन् ।

नवनियुक्त कार्यकारी निर्देशक शाक्यले भने घिसिङको पहिलेको नियुक्ति नै गलत भएकाले पदाधिकार दाबी गर्न नमिल्ने जिकिर गरेका छन् । उनले आफूले चार वर्षअघि दायर गरेको रिटको निर्णय नआई घिसिङले हाल दिएको निवेदनमा सुनुवाइ गर्न नमिल्ने जिकिर गरेका छन् ।