एजेन्सी- पेरिस ओलम्पिक चलिरहँदा अहिलेसम्म जापानले अग्रता कायमै राखेको छ । पदक तालिकामा ७ स्वर्ण पदकसहित जापानले शीर्ष स्थान कायमै गरेको छ ।

तर सबैभन्दा धेरै पदक भने संयुक्त राज्य अमेरिकाले जितेको छ । उसले ४ स्वर्ण, ११ रजत र ११ कास्य पदक जितेको छ । उसले ४ मात्रै स्वर्ण पदक जितेकाले पदक तालिकामा छैटौं नम्बरमा सीमित भएको हो ।

फ्रान्सले १८ पदक जितेको छ । फ्रान्सले ५ स्वर्ण पदक, ९ रजत पदक र ४ कास्य पदक जितेको छ ।

चीनले १४ पदक जितेको छ । अहिले ऊ पदक तालिकाको दोस्रो स्थानमा छ । चीनसँग ६ स्वर्ण पदक, ६ रजत पदक र २ कास्य पदक छ ।

सातौँ नम्बरमा १२ पदकसहित बेलायत रहेको छ । बेलायतले ४ स्वर्ण, ५ रजत र ३ कास्य पदक जितेको छ ।