काठमाडौं– लगानी सम्मेलनको क्रममा भारतीय लगानीकर्तालाई लक्षित गरेर विशेष हातेपुस्तिका सार्वजनिक गरिएको छ ।

सोमबार सम्मेलनको दोस्रो दिन अर्थमन्त्री वर्षमान पुनले नेपाल–भारत चेम्बर अफ कमर्सले तयार पारेको भारतीय लगानीकर्ताका लागि हातेपुस्तिका सार्वजनिक गरेका हुन् ।

सार्वजनिक हातेपुस्तिकामा नेपालमा भएका लगानीका सम्भावित क्षेत्रदेखि उद्योग दर्ता गर्ने प्रक्रियादेखि बजार र कर लगायतका विषयलाई समावेश गरिएको छ ।

साथै, सम्पत्ति सम्बन्धी कानून, लगानीको सुरक्षा सम्बन्धी कानून, बौद्धिक सम्पत्तिको सुरक्षा सम्बन्धी व्यवस्था, जनशक्ति, आयात तथा निर्यात गरिने वस्तुहरू लगायतको विषयमा जानकारी समावेश गरिएको छ ।

बन्दरगाह, विशेष आर्थिक क्षेत्र, औद्योगिक पार्क, ऊर्जा क्षेत्र र नाफाको अवस्थाको विषयमा पनि हातेपुस्तकमा जानकारीमूलक विषय उल्लेख छ ।