काठमाडौं – आईसीसी विश्वकप लिग २ त्रिकोणात्मक तेस्रो सिरिजको दोस्रो खेलमा टस जितेर स्कटल्यान्डविरुद्ध बलिङ थालेको नेपालले पहिलो ओभरमै विकेट लिएको छ ।

अमेरिकाको डाल्लासस्थित ग्राण्ड प्रेरी क्रिकेट स्टेडियममा सुरु भएको खेलको पहिलो ओभरको पाँचौँ बलमै नेपालका तीव्र गतिका बलर करण केसीले स्कटल्याण्डका ओपनर ब्याट्सम्यान चार्ली टिअरलाई बोल्ड गर्दै पेभेलियन फर्काइदिएका हुन्‌ ।

यो समाचार तयार गर्दासम्म ५.२ ओभरको खेल सकिँदा स्कटल्याण्डले एक विकेट गुमाएर १३ रन जोडेको छ ।

तेस्रो सिरिजको पहिलो खेलमा नेपाल अमेरिकासँग ३ विकेटले पराजित भएको थियो । हालसम्म खेलेका लिग २ का ९ खेलमा ७ हार र १ जित तथा १ खेल रद्द भोगेको नेपालले ३ अङ्क जोडेको छ । स्कटल्याण्डले भने ८ खेलमा ११ अङ्क जोडेको छ ।