काठमाडौं- नौबिसे नागढुंगा सडकखण्डस्थित सुरुङमार्गनजिक रहेको झ्यापले खोलामा पहिरोले पुरिएको विङ्गरबार सातवटा शव निकालिएको छ ।

१२ जना यात्रु सवार रहेको भनिएको पहिरोले पुरिएको उक्त विङ्गरबाट शनिबार साँझसम्म सातवटा शव निकालिएको जिल्ला प्रहरी कार्यालय धादिङले जानकारी दिएको छ । झ्याप्ले खाेलामा पुरिएकाे विङ्गर बसमा सवार १२ जना नै पुरिएकाे अनुमान छ ।

झ्याप्ले खोलामा बुटवलबाट काठमाडौं आउँदै गरेको लु १ ज ४५७८नम्बरको विङ्गर पुरिएको थियो । जसका चालक रमेश लुइँटेल थिए । अहिले पनि त्यहाँ उद्धारकार्य जारी रहेकाले झिकिएका शवको पहिचान हुन सकेको छैन ।

लेदोसहितको पहिरोमा पुरिएको विङ्गर बुटवलबाट काठमाडौं आउने क्रममा पुरिएको हो । लेदोसहितको पहिरो हटाउने कार्यसँगै ७ जनाको शव भेटिएको प्रहरीले जनाएको छ । उद्धारमा जुटेका विक्रम राणाले पनि अहिलेसम्म सातवटा शव झिकिएको जानकारी दिएका छन् ।

झ्याप्ले खोलामा पुरिएको विङ्गर निकाल्ने कामसँगै सुरुङ्गमार्ग आसपासका क्षेत्रका अरु पहिरो पनि धमाधम हटाइँदैछ । शनिबार राति नै काठमाडौं छिर्ने मुख्य नाका एकतर्फी खुल्ने सम्भावना रहेको प्रहरीले जनाएको छ ।

बाटो खुलेपछि बीच बाटोमा अड्किएका गाडीहरूलाई पठाउने तयारी हुँदैछ । अघि बढेका गाडीलाई मुग्लिनको चेकपोस्टमा रोकिनेछ । शुक्रबारदेखि बाटोमा रोकिएका गाडीहरूलाई काठमाडौं प्रवेश गर्न