बाँके– बाँकेमा आइएनएफद्वारा सञ्चालित साइनिङ अस्पतालमा ६० जना कुष्ठरोगका नयाँ बिरामी फेला परेका छन् ।

संचारकर्मीसँगको अन्तरक्रियामा अस्पताल प्रमुख मंगल थारुले चालु आर्थिक वर्ष २०८०-८१ को ६ महिनामा ६० जना कुष्ठरोगका बिरामी फेला परेको बताए ।

चालु आर्थिक वर्षमा फेला परेका ६० जनामध्ये बाँकेका मात्रै २९ जना कुष्ठरोगका बिरामी छन् । बैजनाथ गाउँपालिकामा २ , डुडुवामा २, जानकीमा ४, खजुरामा ९, नरैनापुरमा ४, राप्तीसोनारीमा १, कोहलपुर नगरपालिकामा ३, नेपालगन्ज उपमहानगरपालिकामा ४ जना रहेका छन् ।

थारुका अनुसार अस्पतालले ८ हजार ६०२ जना बिरामी चेकजाँच गर्दा कुष्ठरोगीका ती बिरामी फेला परेका थिए । गत वर्षको सोही अवधिमा ५१ जना बिरामी फेला परेका थिए । गत वर्ष साउनदेखि असार महिनासम्म भने १२६ जना बिरामी फेला परेका थिए । अस्पतालले फेला परेका कुष्ठरोगीको समुदायमा गएर कन्ट्रयाक ट्रेसिङ्ग समेत गर्ने गरेको छ ।

 ८३ जनामा गरिएको कन्ट्रयाक ट्रेसिङ्गमा १३ जना पहिचान गरिएको थियो । नेपाल सरकारले २०३० मा कुष्ठरोग निवारण गर्ने लक्ष्य लिएको छ । उपचारमा आउने कुष्ठरोगीलाइ सरकारले यातायात खर्च अनुसार एक हजार रुपैयाँ उपलब्ध गराउने गरेको छ ।

यातायात खर्च पनि समयमा दिन सकेका छैनौँ । समाजमा अहिले पनि रोगीहरू लुकेर बसेको हुन सक्ने भएकाले खोजीका लागि समुदायमा अभियान चलाउन आवश्यक छ ।

 अस्पताल प्रमुख थारूले भने, ‘स्थानीय तहसँग रोग निवारण अभियानका लागि बजेट नभए पनि स्थानीय तहले सञ्चालन गर्ने कार्यक्रमका लागि भने प्राविधिक सहयोग गर्दै आएका छौँ ।