काठमाडौं– संघीय संसद्का दुई वटा समितिको बैठक बस्दै छ । संघीय संसद् भवन, सिंहदरबार परिसरमा उक्त बैठक बस्ने संसद् सचिवालयले जनाएको छ ।
जस अनुसार राज्य व्यवस्था तथा सुशासन समितिको बैठकमा पुरानै एजेन्डा सङ्घीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक उपर संशोधन प्रस्तावकर्ता सांसदहरूसँग छलफल हुनेछ । जुन बैठक अपराह्न १२ः१५ बजेबाट सुरु हुनेछ ।
उता, पूर्वाधार विकास समितिको बैठकमा पनि पुरानै एजेन्डाले निरन्तरता पाउनेछ । जसअनुसार विद्युत् विधेयक, २०८० माथि संशोधनकर्ता सांसदसँगको छलफल बिहान ११ः०० बजेबाट सुरु हुनेछ ।
प्रतिक्रिया