काठमाडौं – नेकपा एमालेबाट ६ महिना निलम्बनमा परेकी नेतृ डा. विन्दा पाण्डेले पार्टी नेतृत्वले आफूहरुलाई ६ महिनाको छुट्टी दिएको बताएकी छन् ।

उनले पार्टीकै काममा रहेको बेला निलम्बनको खबर आएको बताएकी हुन् । यो अवधिलाई रचनात्मक र सिर्जनात्मक रुपमा प्रयोग गर्ने उनको भनाइ छ ।

उनले भनिन्, ‘हामि त पार्टी काममै थियौ, नेताले ६ महिना छुट्टी दिएको खवर सुनियो। यो अवधिलाई रचनात्मक र सिर्जनात्मक रुपमा प्रयोग गर्नु पर्नेछ ।’

पार्टी अनुशासनविरुद्ध काम गरेको भन्दै एमालेले स्थायी कमिटी सदस्य पाण्डेसहित केन्द्रीय कमिटी सदस्य उषाकिरण तिमल्सिनाको जिम्मेवारी खोसेको थियो । यस्तै एमालेले पूर्वउपाध्यक्ष डा भीम रावललाई पार्टीको संगठित सदस्यबाट समेत हटाएको छ ।