काठमाडौं– नेपाल मेडिकल एण्ड सेल्स रिप्रेजेन्टेटिभ एसोसिएसन (एनएमएसआरए) काठमाडौँमा कोशराज अवस्थीको नेतृत्वमा नयाँ कार्यसमिति गठन गरिएको छ ।

२०२५–२०२६ कार्यकालको सम्पन्न निर्वाचनमा अवस्थी नेतृत्वमा रहेको प्यानलले अत्यधिक मत ल्याएर विजयी हुँदै नयाँ कार्यसमिति गठन गरेको को ।  एसोसिएसन अध्यक्षमा कोशराज अवस्थी रहेका छन् भने वरिष्ठ उपाध्यक्ष राजीवकृष्ण कर्ण, उपाध्यक्ष मनीष मल्लिक, महासचिव विनय रोका, कोषाध्यक्ष सुदर्शन ढकाल, संयुक्त सचिवहरू राजकृष्ण ठाकुर र चक्र रिमाल तथा संयुक्त कोषाध्यक्षमा सम्झना कर्माचार्य निर्वाचित भएका छन् ।

यस्तै कार्यसमितिका कार्यकारी सदस्यमा समीर जयसवाल, अतिश तिवारी, रञ्जितकृष्ण प्रसाद, अर्जुन सिलवाल र अशिष चौलागाईं निर्वाचित भएका छन् ।

नवनिर्वाचित अध्यक्ष अवस्थीले संगठनलाई अझ सुदृढ, पारदर्शी र परिणाममुखी बनाउने प्रतिबद्धता जनाउँदै संगठनका सम्पूर्ण सदस्यहरूलाई सहकार्यका लागि धन्यवाद दिएका छन् ।

उनका अनुसार संगठनले सदस्यहरूको पेसागत हकहितको संरक्षण गर्दै उनीहरूको सिप विकास र पेशागत तालिमका क्षेत्रमा प्राथमिकता दिनेछ ।