काठमाडौं । राष्ट्रिय प्रजातन्त्र पार्टी (राप्रपा) का वरिष्ठ उपाध्यक्ष रवीन्द्र मिश्रले देश विघटन हुनबाट जोगाउनका लागि वर्तमान संविधान विघटन गर्नु पर्ने बताएका छन् ।
बिहीबार साँझ सामाजिक सञ्जालमार्फत नेता मिश्रले देश जोगाउनका लागि राष्ट्रियसभा, संघीयता, धर्म निरपेक्षता, गणतन्त्र र २०७२ सालको संविधान विघटन गर्नुपर्ने बताएका हुन् ।
उनले लेखेका छन्, ‘देश विघटन नगर्ने हो भने, राष्ट्रियसभा, संघीयता ,धर्म निरपेक्षता, गणतन्त्र र २०७२ सालको संविधान विघटन गरौँ। निषेधको राजनीति त्यागौँ र २०४७ सालको संविधानमा टेकेर, ०७२ सालको संविधानका राम्रा पक्षहरू समेट्दै नवीनसमझदारी मा जाउँ। नत्र यो देशको भविष्य छैन।’
प्रतिक्रिया