काठमाडौं– चालु आर्थिक वर्ष (आव) को दुई महिनामा नेपालबाट झण्डै २ अर्बको कार्पेट, टेक्सटाइल निर्यात भएको छ ।

भन्सार विभागले सार्वजनिक गरेको तथ्यांकअनुसार चालु आवको साउन र भदौ महिनामा नेपालबाट १ अर्ब ९९ करोड ९६ लाख ७ हजार रुपैयाँ बराबरको कार्पेट, टेक्सटाइल सामग्री निर्यात भएको हो ।

विभागको तथ्यांकअनुसार सो अवधिमा नेपाली कार्पेट तथा टेक्सटाइल उत्पादकहरूले सबैभन्दा धेरै अर्थात् १ अर्ब ३० करोड ९९ लाख ५९ हजार बराबरको कार्पेट टेक्सटाइल अमेरिका निर्यात गरेका छन् ।

त्यस्तै समीक्षा अवधिमा उत्पादकहरूले नेपालबाट १ अर्ब बढीको कालो चिया निर्यात गरेका छन् । विभागको तथ्यांकअनुसार समीक्षा अवधिमा १ अर्ब १४ करोड २४ लाख ३२ हजार रुपैयाँ बराबरको ४४ लाख २० हजार २४६ केजी चिया निर्यात गरेका हुन् ।