काठमाडौं – लगातार दुई खेलमा पराजयको सामना गरेको दक्षिण अफ्रिकाले अफगानिस्तानसँगको तेस्रो एक दिवसीय खेलमा ७ विकेटको जित हात पारेको छ।

अफगानिस्तानले दिएको १७० रनको लक्ष्य ३३ ओभरमा ३ विकेटको क्षतिमा पुरा गरेको हो। दक्षिण अफ्रिकाका आइडम म्यामक्रकले अविजित रहँदै ५७ बलमा ६९ रनको योगदान गरे।

म्याक्रमको यो पछिल्लो १० पारीमा यो पहिलो अर्धशत्तक हो। ट्रिस्टयन स्टब्सले भने धिमा गतिमा खेल्दै ४२ बलमा २६ रन जोडे। अफगानिस्तानका फिर अहमदले कसिलो बलिङ गर्दै ७ ओभरमा १७ रन खर्चेर १ विकेट लिए।

टोनी डे जारीले ३१ बलमा २६ रन जोडे। टेम्बा बबमाले २२ रनको योगदान गरे। यसअघि टस जितेर पहिले ब्याटिङ गरेको अफगानिस्तानले ३४ ओभरमा सम्पूर्ण विकेट गुमाउँदै १६९ रन जोडेको थियो। अघिल्ला दुवै खेलमा छाएका प्रारम्भिक ब्याट्सम्यान रहमानुला गुरबाजले ९४ बलमा ८९ रन जोडे। यसैगरी अलाह मोहम्मद गफान्जरले अविजित रहँदै १५ बलमा ३१ रन जोडे।

दक्षिण अफ्रिकाका आन्द्रे फुलेलकाओले ४ ओभरमा १६ रन खर्चेर दुई विकेट लिए। लुङ्गी एनगिडीले ६ ओभरमा २२ रन खर्चेर २ विकेट लिए।

एनकेबयोमजी पिटरले ५ ओभरमा २२ रन खर्चेर २ विकेट लिए। जोन फर्टुनले १० ओभरमा ४४ रन खर्चेर १ विकेट लिए। गुरबाज अन्तिम खेलका म्यान अफ द म्याच तथा म्याच अफ द सिरिज घोषित भए।