काठमाडौं- प्रमुख प्रतिपक्षी नेपाली कांग्रेसको केन्द्रीय कार्यसमिति र संसदीय दलको संयुक्त बैठकमा भ्रष्टाचारविरूद्ध कठोर हुनुपर्ने आवाज उठेको छ ।

बैठकमा सहभागी अधिकांश नेताहरूले भ्रष्टाचारविरुद्ध कठोर हुनुपर्ने बताउँदै यसलाई संसद्‍देखि सडकसम्म एजेन्डा बनाउन माग गरेका छन् ।

एकजन केन्द्रीय सदस्यका अनुसार सानेपामा बुधबार बसेको संयुक्त बैठकमा माओवादी लडाकुको क्यानटोन्मेन्टमा भएको भनिएको हिनामिना, झापास्थित गिरीबन्धु टि-स्टेटको जग्गा बिक्री प्रकरण र प्रधानमन्त्री पुष्पकमल दाहाल प्रचण्डसमेत जोडिएको भनिएको कुकुल्यान्ड घोटालाबारे पनि पार्टीले ठोस धारणा बनाउनुपर्ने कुरा नेताहरूले उठाएका छन् ।

बैठकमा सहभागी ८० प्रतिशत बढी केन्द्रीय सदस्यहरू विगतमा शीर्ष नेताहरू मुछिएका भनिएका भ्रष्टाचार काण्डलाई पार्टीले अब एजेन्डा बनाउनुपर्ने पक्षमा दिएका छन् ।

उनीहरूले पूर्ण भ्रष्टाचार नियन्त्रणको लागि लड्नुपर्नेमा साझा जोड दिएका थिए ।

पार्टीको बैठकको एजेन्डामा नभए पनि नेताहरूले भ्रष्टाचार प्रकरणबारे छानबिनको मुद्दालाई जोडतोडका साथ उठाएएका हुन् ।