काठमाडौँ– भारतका लागि अमेरिकी राजदूत एरिक गार्सेटीले आगामी ३० वर्षमा भारतले नवीकरणीय ऊर्जाको क्षेत्रमा ठूलो फड्को मार्ने बताएका छन् । अमेरिका भारत रणनीतिक साझेदारी मञ्चले आयोजना गरेको कार्यक्रममा बोल्दै राजदूत गार्सेटीले आगामी ३० वर्षमा भारत नवीकरणीय ऊर्जा क्रान्तिमा भारत अग्र स्थानमा आउने बताए । 

उनले नवीकरणीय ऊर्जाको क्षेत्रमा भारतले महत्वकांक्षी लक्ष्य राखेको भन्दै सौर्य र वायु ऊर्जाको क्षेत्रमा भारतले नेतृत्वदायी भूमिका निर्वाह गर्नेसमेत उल्लेख गरे । सौर्य प्यानल, इलेक्ट्रोलाइज र ब्याट्रीजस्ता क्षेत्रमा भारतको योगदान महत्त्वपूर्ण हुने उनको भनाइ छ ।

उनले भारत र अमेरिकाबीचको सम्बन्ध निरन्तर बढिरहने विश्वास समेत व्यक्त गरे । यसले दुई मुलुक मात्र नभई सारा विश्वलाई नै लाभ मिल्ने उनको भनाइ छ ।