काठमाडौं- भारतीय उद्यमी गौतम अडानीमाथि अमेरिकामा ठगीको आरोप लागेको छ। यस आरोपका कारण बिहीबार अदानी समूहको शेयरमा ठूलो गिरावट आएको छ ।

अहिले अदानी समूहका तीन कम्पनीको सेयर १५ प्रतिशतभन्दा बढीले घटेको भारतीय सञ्चारमाध्यमहरूले जनाएका छन् ।

बम्बई स्टक एक्सचेन्जमा अडानी इनर्जी सोलुसन लिमिटेडमा १९.५० प्रतिशतको सबैभन्दा ठूलो गिरावट रेकर्ड गरिएको थियो ।

यसबाहेक अदानी इन्टरप्राइजेजमा १८.७६ प्रतिशत, अदानी ग्रीन इनर्जीमा १६.५६ प्रतिशत र अदानी पोर्ट्समा ११.९४ प्रतिशतले गिरावट आएको छ ।

गौतम अडानीमाथि अमेरिकामा ठगीको आरोप लागेको छ । अडानीमाथि अमेरिकास्थित आफ्नो एउटा कम्पनीको ठेक्का लिन २५ करोड डलर घुस दिएको आरोप लागेको छ । उनले यो कुरा लुकाएको आरोप पनि लागेको छ ।

तर, अडानी समूहले जारी गरेको विज्ञप्तिमा यी आरोपहरूलाई अस्वीकार गर्दै सबै कानुनी विकल्प खोजिने बताएको छ ।