काठमाडौं- भारतले बङ्गलादेशलाई जारी पहिलो टेस्ट खेलमा ५१५ रनको लक्ष्य दिएको छ ।
जारी टेस्टको दोस्रो इनिङ्गमा भारतले ४ विकेट गुमाउँदै २८७ रन बनाएर आफ्नो पारी घोषणा गरेपछि बङ्गलादेशले ५१५ रनको लक्ष्य पाएको हो । भारतले पहिलो इनिङ्गमा पाएको २२७ रनको बढ्तका आधारमा बङ्गलादेशलाई विशाल लक्ष्य दिएको हो ।
भारतका लागि दोस्रो इनिङ्गमा शुभमन गिल र ऋषव पन्तले शतक बनाएका थिए । गिलले अविजित ११९ रन बनाए भने पन्त १०९ रन बनाएर आउट भएका थिए ।
यस अघि भारतले पहिलो इनिङ्गमा ३७६ रन बनाएको थियो भने बङ्गलादेश १४९ रनमै अल आउट भएको थियो ।
प्रतिक्रिया