काठमाडौं – आईसीसी टी–२० विश्वकपको सुपर ८ अन्तर्गतको खेलमा दक्षिण अफ्रिकाले इंग्याण्डलाई १६४ रनको चुनौती दिएको छ ।

वेष्ट इण्डिजको सेन्ट लुसियास्थित ड्यारेन सामी राष्ट्रिय क्रिकेट स्टेडियममा टस हारेर पहिले ब्याटिङ गरेको दक्षिण अफ्रिकाले २० ओभरमा ६ विकेट गुमाएर १६३ रन बनायो।

उसका लागि क्विन्टन डे ककले विस्फोटक ब्याटिङ गर्दै ३८ बलमा ६५ रन बनाए । उनले चार चौका र चार छक्का प्रहार गरे । त्यस्तै डेभिड मिलरले ४३ रन बनाउँदा रिजा हेन्ड्रिक्सले १९ रन बनाए।

इंग्ल्याण्डका लागि जोफ्रा आर्चरले सर्वाधिक ३ विकेट लिए । चार ओभर बलिङ गरेका उनले ४० रन खर्चिए । त्यस्त्ै स्पिनरद्वय मोइन अली र आदिल राशिदले १र१ विकेट लिए।

दक्षिण अफ्रिका र इंग्ल्याण्डबीच अहिलेसम्म ६ खेल भएको छ । जसमध्ये इंग्ल्याण्डले २ खेलमात्र जित हात पारेको छ भने बाँकी ४ खेलमा दक्षिण अफ्रिका विजयी भएको छ।