काठमाडौं– प्रधानमन्त्री तथा मन्त्रिपरिषद्को कार्यालयले मंगलबार सार्वजनिक गरेको सम्पत्ति विवरणअनुसार वन तथा वातावरणमन्त्री नवलकिशोर साहसँग एउटा बन्दुकसहित झण्डै डेढ सय तोला सुन, लाखौंको जग्गा र लाखौं नगद रहेको छ ।

विवरण अनुसार साहको सप्तरीमा ७८ लाख ५ हजारको जग्गा रहेको छ भने सप्तरीमा पनि ९ लाखको २ वटा घर छ । त्यस्तै उनले ५६ तोला  सुन र ६५० ग्राम चाँदी  दाइजोमा पाएको विवरणमा उल्लेख गरेका छन् । यस्तै उनले छोराछोरीको विवाहमा ८० तोला सुन उपहार पाएको विवरणमा उल्लेख गरेका छन् । 

मन्त्री साहको नाममा  विभिन्न बैंकमा ७० लाख भन्दा बढी रकम रहेको छ भने छोराछोरीको नाममा झण्डै ५ लाख रहेको छ ।

साथै उनले ८० लाख सापटी लिएको विवरणमा उल्लेख गरेका छन् । साहसँग एउटा गाडी र बन्दुक (१२ बोर) राइफल पनि रहेको विवरणमा उल्लेख छ ।