भोजपुर– भोजपुर सदरमुकाममा आइतबार सुरु भएको सातौँ अन्तराष्ट्रिय आमन्त्रित मेयर भोजपुर गोल्डकप प्रतियोगिताको पहिलो खेलमा त्रिभुवन आर्मी फुटवल क्लब विजयी भएको छ ।

आर्मीले जर्जियन फुटबल क्लबलाई ४-० गोलअन्तरले स्तब्ध बनाएको हो ।

खेल सुरु भएको सातौँ मिनेटमा आर्मीका वसन्त जिम्बाले गोल गर्दै आफ्नो टिमलाई अग्रता दिलाए ।

यस्तै खेलको ३४ औँ मिनेटमा सुरज बस्नेतले दोस्रो गोल गरे । यस्तै खेलको ५३ औँ मिनेटमा नरेन्द्र राईले गोल गरे ।

खेलको ७५ औँ मिनेटमा पदम तामाङले गोल गर्दै टिमलाई फराकिलो जित दिलाउन सफल भए।

खेलमा म्यानअफ द म्याच वसन्त जिम्बा घोषित भएका छन् ।

नवनिर्मित भोजपुर रंगशालामा सुरु भएको प्रतियोगितामा ‘ए’ डिभिजनका २ क्लबसहित आठ टिमले सहभागिता जनाएका छन् ।

प्रतियोगिताका विजेता र उपविजेताले उपाधि र ट्रफीसहित ५ लाख र ३ लाख पाउने जिल्ला फुटबल संघ भोजपुरका अध्यक्ष प्रविण सुवालले बताए ।