रौतहट– २३ औं सशस्त्र प्रहरी दिवसको अवसरमा रौतहटमा एसपी सहित २५ जना सशस्त्र प्रहरीले रक्तदान गरेका छन् ।
सशस्त्र प्रहरी ११ न. गण हेड क्वाटर गौरको आयोजना तथा नेपाल रेडक्रस सोसाइटी गौरको सहयोगमा आइतबार एक समारोहका बिच एसपी सहित २५ जना सशस्त्र प्रहरीले रक्तदान गरेका हुन् ।
रक्तदान जीवनदान भन्ने मुल नाराका साथ सशस्त्र प्रहरी रौतहटका प्रमुख एसपी माधव रेग्मी सहित संगठनका २५ जनाले रक्तदान गरेको रेडक्रस सोसाइटी गौरका अध्यक्ष राज किशोर यादवले बताएका छन्।
रौतहट स्थित प्रादेशिक अस्पताल गौरमा उपचाररत बिरामीलाई आकस्मिक रगतको अभाव हुँदा सशस्त्र प्रहरी र नेपाली सेनाको टोलीले पटक पटक रक्तदान गर्दै आएका छन्।
प्रतिक्रिया