काठमाडौं । राष्ट्रिय स्वतन्त्र पार्टीका शीर्ष नेताहरूले चितवनको भरतपुर र तनहुँको देवघाट जोड्ने ठिमुरा पुलको निरीक्षण गरेका छन् । शनिबार भरतपुरमा आयोजित ध्यानाकर्षण सभाका लागि चितवन पुगेका पार्टी सभापति रवि लामिछाने र उपसभा पतिस्वर्णिम वाग्लेले ठिमुरा पुलको निरीक्षण गरेका हुन् ।

निरीक्षणपछि उपसभापति वाग्लेले पुलहरूले दूरी घटाउने र लागत कम गर्ने बताउँदै आँबुदेखि दमौली खण्डको पृथ्वी राजमार्गको स्तरोन्नति पनि सन्तोषजनक भइरहेको बताए ।

उनले सामाजिक सञ्जालमा लेखेका छन्, ‘दूरी घटाउने, लागत कम गर्ने। आज भरतपुर र देवघाट जोड्ने ठिमुरा पुलको निरीक्षण गरियो, भोलि घुमाउने पुलको पछिल्लो अपडेट लिइनेछ। आँबुदेखि दमौली खण्डको पृथ्वी राजमार्ग स्तरोन्नति राम्रै अघि बढेको छ। शिक्षा, स्वास्थ्य, खानेपानी, पर्यटन, ऊर्जामा नयाँ अग्रसरता छ। माघ १० र १३ दमौली आउँदा फन्टुस, निरर्थक हल्लाका एकमुष्ट जवाफ पनि दिनेछु।’