काठमाडौं – प्रधानमन्त्री कप एकदिवसीय क्रिकेटमा बागमती प्रदेशसँग खेल्न लागेको कोशी प्रदेशले टस जितेको छ । टस जितेको कोशीले पहिला बलिङ रोजेपछि बागमतीले ब्याटिङको निम्ता पाएको छ ।

त्रिवि क्रिकेट मैदान कीर्तिपुरमा हुने खेलमा दुवै टोली जितका लागि खेल्नेछन् । चार खेल खेलेको कोशी जित विहीन छ । बागमती भने दुई खेलमा जित निकाल्दै शीर्ष चारको सम्भावना कायम राखेको छ ।

कोशी मधेशसँग ७ विकेट, एपीएफसँग ६ विकेट, पुलिससँग ७ विकेट र आर्मीसँग ९ विकेटले पराजित भएको थियो ।

बागमती भने पहिलो खेलमा पुलिससँग ६८ र दोस्रो खेलमा एपीएफसँग ८९ रनले पराजित भएपनि मधेशलाई ८६ रन र आर्मीलाई ३ विकेटले हराएको थियो ।

पछिल्ला खेलहरूमा बागमतीको सूर्य तामाङले घातक बलिङ गर्दै आएका छन् ।