काठमाडौं– सत्तारुढ नेकपा एमालेको गैरभूगोल युवा विद्यार्थी विशेष जिल्ला कमिटीको अध्यक्षमा सुदर्शन शिवाकोटी निर्विरोध चयन भएका छन् ।

यस जिल्ला कमिटीको पाँचौँ अधिवेशनबाट शिवाकोटीलाई सर्वसम्मत अध्यक्षमा चयन गरिएको हो । यो जिल्ला कमिटीको सचिवमा नरेन्द्र न्यौपानेसमेत अध्यक्ष जस्तै निर्विरोध निर्वाचित भएका छन् ।

कमिटीको उपाध्यक्ष र उपसचिवमा निर्वाचन गरिएको थियो । निर्वाचनका क्रममा उपाध्यक्ष पदमा श्यामकाजी खत्रीले प्रकाश भुजेललाई हराए । विजयी श्यामकाजीले १७१ मत ल्याए भने पराजित प्रकाश ६३ मतमा समेटिए ।

उता उपसचिव महिला पदमा पनि चुनाव हुँदा बिनिता काफ्लेले १६१ सहित विजयी भइन् । सजिना थापा मगरले ७० मत ल्याइन् ।

यो जिल्ला कमिटीको अधिवेशन २८ कात्तिकमा एमाले महासचिव शंकर पोखरेलले च्यासलमा उद्घाटन गरेका थिए ।

सर्वसम्मत नेतृत्व छान्ने कोसिस भए पनि सहमति नजुट्दा केही पदमा चुनाव गरिएको हो ।