काठमाडौं– शिवम् सिमेन्ट्स लिमिटेडले ९ प्रतिशत बोनस दिने भएको छ । कम्पनीको गत बिहीबार बसेको १३३औँ बैठकले आर्थिक वर्ष २०८०–८१ को वितरणयोग्य मुनाफाबाट चुक्ता पुँजीको ९ प्रतिशत बोनस दिने भएको हो ।

कम्पनीका सचिव लेखनाथ अर्यालका अनुसार ४२ करोड ९८ लाख ८ हजार ५०२ रुपैयाँ बराबरको ८.५५ प्रतिशत बोनस शेयर दिने प्रस्ताव गरेको छ भने कर प्रयोजनका लागि २ करोड २६ लाख २१ हजार पाँच सय रुपैयाँ बराबरको ०.४५ प्रतिशत नगद लाभांश दिनेछ ।

प्रस्तावित बोनस पारित गर्न पुस २९ गते बिहान ९ बजेदेखि राष्ट्रिय सभागृह सिटी हल भृकुटीमण्डप, काठमाडौंमा वार्षिक साधारणसभा गर्ने तय भएको छ ।

सभाका लागि कम्पनीले पुस १६ गते एक दिनका लागि बुक क्लोजको मिति तय गरेको छ ।

पुस १५ गतेसम्म कायम रहेका शेयरधनीले कम्पनीले प्रस्ताव गरेको उक्त बोनस पाउने छन् ।