विराटनगर– माेरङ पथरी शनिश्चरे नगर पालिका-९ कि भीममाया श्रेष्ठले ७५ वर्षको उमेरमा आज नागरिकता पाएकी छन्।
जिल्ला प्रशासन कार्यालय माेरङबाट ०५-०१-८१-०८२४ नम्बरको नागरिकता प्राप्त गरेकी हुन् । प्रमुख जिल्ला अधिकारी प्रेमप्रसाद भट्टराईले भीममायालाई नागरिकता हस्तान्तरण गरेका छन्।
चार वर्ष अघि श्रीमान् कुलबहादुर श्रेष्ठको निधन भएपछि भीममाया एक्लै बस्दै आएकी छन् । नागरिकता नहुँदा उनले सामाजिक सुरक्षा भत्ता लगायतका सुविधाबाट वञ्चित हुँदै आएकी थिइन् ।
उनी स्थानीयले दिएको जग्गामा सहयोगीहरूले बनाइदिएको घरमा एक्लै बस्दै आएकी छन्।आर्य स्राेत्र नहुँदा भीममायाले चर्खा काटेर गर्जो टार्दै आएकी छन् ।
नागरिकता दिलाउनका लागी पथरी शनिश्चरे ९ नं वडा कार्यालय सँगै स्थानीय एव एमालेका केन्द्रीय सदस्य युवराज बाँस्कोटा,पत्रकार गोपाल काफ्ले, पर्वत थापा र उर्मिला महराले सहजीकरण गरेका थिए
केही समय अघि नागरिकता विहीन बनेकी भीममायाको बारेमा समाचार खबरहबमा प्रकाशित भएको थियो।
यो पनि पढ्नुहोस् :
प्रतिक्रिया