जनकपुरधाम – मधेश प्रदेशका मुख्यमन्त्री सरोजकुमार यादवले नेपाल–भारत बीचको सम्बन्ध हिमालभन्दा पनि उचो र समुद्रभन्दा पनि गहिरो रहेको बताएका छन् ।

स्वामी विवेकानन्द सांस्कृतिक केन्द्र भारतीय दूतावास काठमाडौंद्वारा नयाँ वर्षको अवसरमा शनिबार जनकपुरधाममा आयोजित द्वितीय जनकपुरधाम सांस्कृतिक महोत्सवको उद्घाटन गर्दै मुख्यमन्त्री यादवले नेपाल– भारत बीचको सम्बन्ध दुई देशका जनता जनताबीच रहेको बताए ।

उनले भने, ‘यो कुराको पुष्टि रामलालाको प्राण प्रतिष्ठा को बेला दुवै देशमा देखिएको हर्षोत्सवले गरिसकेको छ।’ सीमा क्षेत्रमा सुरक्षा र राजस्वको नाउँमा केही वर्षयता सर्वसाधारणसँग सुरक्षाकर्मीहरूबाट भइरहेको व्यवहारले दुई देश बीचको सदियौँ पुरानो सम्बन्धलाई नै खलल पुर्‍याउने कार्य भइरहेको उनको धारणा छ ।

उक्त कार्यक्रमका अध्यक्षता भारतीय महावाणिज्य दूतावास वीरगंजका महावाणिज्यदूत देवी सहाय मीना र भारतीय राजदूतावास काठमाडौंका प्रथम सचिव गीतान्जलीले गर्नुभएको थियो । भने जनकपुरधाम उपमहानगरक प्रमुख मनोज कुमारसाह सहितका वक्ताहरुले कार्यक्रमको सफलताको कामना गरेका थिए ।