जेद्दा- भारत र साउदी अरबबीच सन् २०२४ का लागि हजसम्बन्धी सम्झौता भएको छ ।

भारतीय समाचार संस्था एएनआईका अनुसार महिला बालबालिका विकास एवम् अल्पसङ्ख्यक मामिलासम्बन्धी भारतीय मन्त्री स्मृति इरानी र साउदी अरबका हज तथा उमराह मामिलामन्त्री तौफिक बिन फवजान रबियाबीच हजसम्बन्धी सम्झौतामा हस्ताक्षर भएको हो ।

भारतीय विदेश राज्यमन्त्री भी मुरलिधरणको उपस्थितीमा साउदी अरबको जेद्दा शहरमा भएको सम्झौता अनुसार साउदी अरबले सन् २०२४ मा भारतबाट १ लाख ७५ हजार २५ जनालाई हज गर्न अनुमति दिनेछ ।

तीमध्ये १ लाख ४० हजार २० जना भारतको हज समितिमार्फत् त्यसतर्फ जानेछन् । त्यसबाहेक ३५ हजार ५ जना भने अन्य हज यात्रा सञ्चालक समूहमार्फत् जाने जनाइएको छ ।