काठमाडौं – आपसी सहकार्यलाई थप मजबुत बनाउन भारत र इजिप्ट सहमत भएका छन् । दुई मुलुकका परराष्ट्र अधिकारीस्तरीय १३ चरणको वार्तामा सम्पन्न बैठकमा आपसी सहकार्यलाई थप मजबुत बनाउने सहमती भएको हो ।

उक्त वार्तामा सहभागी दुबै पक्षका अधिकारीले रणनीतिक साझेदारीलाई मजबुत बनाउने प्रतिबद्धता जनाएका थिए । भारतीय समाचार संस्था एएनआईका अनुसार बैठकमा दुई मुलुकबीच हाल कायम राजनीतिक, आर्थिक र सामाजिक साँस्कृतिक सम्बन्धलाई अझ मजबुत बनाउने विषयमा पनि छलफल भएको थियो ।

दुई मुलुकका परराष्ट्र अधिकारी सम्मिलित १४ औँ चरणको अर्को बैठक इजिप्टमा बस्ने पनि सहमती भएको छ । आगामी बैठकको मिति भने दुबै पक्षले आपसी समझदारीका आधारमा तय गर्ने एएनआईले जनाएको छ ।