काठमाडौं- नेपाल प्रिमियर लिग अन्तर्गतको बुधबारको दोस्रो खेलमा काठमाडौं गुर्खाज र लुम्बिनी लायन्स दुवैले फितलो ब्याटिङ प्रस्तुत गरे ।
कीर्तिपुर मैदानमा टस जितेर पहिला ब्याटिङमा उत्रिएको काठमाडौंले १९ दशमलव २ ओभरमा १०४ रनको समान्य लक्ष्य प्रस्तुत गर्यो ।
जवाफि ब्याटिङमा उत्रिएको लुम्बिनीले उक्त सामान्य लक्ष्य पनि पूरा गर्न सकेन । १९ दशमलव २ ओभरमै लुम्बिनीलाई काठमाडौंले ८५ रनमा प्याकअप गर्यो ।
काठमाडौंसँग हार बेहोर्यएको लुम्बिनीलाई दोहोरो झट्का लाग्यो । यही हारले एनपीएलको लिग चरणबाट बाहिरले पहिलो टोली बन्यो ।
४ खेलाडी शून्यमा आउट
काठमाडौंका भीम सार्की ३१ रन जोडे । काठमाडौं र लुम्बिनीका लागि आजको सबैभन्दा सर्वाधिक रन गर्ने नै उनै हुन् ।
यस खेलमा ४ चार खेलाडी शून्यमा आउट भए । काठमाडौंका एक र लुम्बिनीका ३ खेलाडी शून्यमा आउट भएका हुन् ।
काठमाडौंका ओपनर माइकल लिभर्ट शून्यमै आउट भएका हुन् । २ बलको सामना गरेको उनलाई लुम्बिनीका रामोन सिमन्ड्सले आउट गरेका हुन् ।
त्यस्तै, शून्यमा आउट हुने लुम्बिनीका ३ खेलाडीहरु हुन्– साद बिन जफर, रामोन सिमन्ड्स र अभिनाश गौतम ।
जफर र अभिनाश १ बलको सामना गरेर आउट भए । रामोनले २ बलको सामना गरेका थिए ।
दीपेशको उत्कृष्ट बलिङ
लुम्बिनीविरुद्ध सार्वधिक ४ विकेट लिने काठमाडौंका खेलाडी हुन्– करण केसी । तर, काठमाडौंका दीपेश कँडेलले महत्त्वपूर्ण ३ विकेट ।
दीपेशले सुरुवाती क्रमका तीन महत्त्वपूर्ण विकेट झारे । उनले लुम्बिनीका ओपनरद्वय आशुतोष घिरिया र अर्जुन साउदको विकेट लिए ।
अघिल्ला खेलमा लयमा रहेका लुम्बिनीका कप्तान रोहित पनि उनकै एलबीडल्ब्यूको धरापमा परे ।
दीपेशले यी तिनै सुरुवाती क्रममा ब्याटरलाई दोहोरो रन बनाउनबाट रोके ।
आशुतोष १२ बल खेलेर ४ रनको अवस्थामा आउट भए । अर्जुनले १० बल खर्च गरेर ३ रन मात्रै जोडे । रोहित १५ बलमा ८ रन जोडेर दीपेशकै बलको शिकार भए ।
छक्काविहीन लुम्बिनी
लुम्बिनीलाई ८५ रनम समेटेको काठमाडौंको बलिङ पक्ष भने बलियो बन्यो ।
दीपेश कँडेलले चार ओभर बलिङ गर्दा महत्त्वपूर्ण ३ विकेट लिए । उनले केबल ६ रन मात्रै खर्चिए ।
काठमाडौंका करण केसीले ४ ओभर बलिङ गर्दा ४ विकेट लिए । उनले १६ रन खर्चिए ।
गेर्हार्ड इरास्मले चार ओभर बलिङ गर्ने क्रममा २ विकेट लिँदा १९ रन खर्चिए ।
काठमाडौंका लागि रहिद खान भने खर्चिला बलर बने । उनले २ दशमलब २ ओभर बलिङ गर्दा १ विकेट लिँदै २२ रन खर्चिए ।
यद्यपि लुम्बिनीले काठमाडौंविरुद्ध एक छक्का पनि प्रहार गर्न सकेन । ५ चौका भने प्रहार ग¥यो । जारी प्रतियोगित एक इनिङका छक्का प्रहार नगर्ने पहिलो टिम लुम्बिनी नै हो ।
अर्थात् विपक्षीलाई छक्का प्रहार नगर्न नदिने पहिलो टोली काठमाडौं बनेको छ ।
जारी प्रतियोगिता सबैभन्दा कम ५१ रन बनाएको जनकपुरले पनि सुदूरपश्चिमविरुद्ध १ छक्का प्रहार गरेको थियो । जोशुआ ट्रोम्पले जनकपुरको छक्काको खडेरी पूर्ति गरेका थिए ।
प्रतिक्रिया