काठमाडौं – विद्यार्थी नेता डम्बर धामीको स्मृतिमा अनेरास्ववियूले ५१००० राशिको पुरस्कार घोषणा गरेको छ । अनेरास्ववियूका स्थायी कमिटी सदस्य एवंम अनेरास्ववियू हिस्ट इन्जिनियरिङ कलेजका पूर्व अध्यक्ष धामीको सडक दुर्घटनामा परी मृत्यु भएको थियो ।

आज उनको १२औँ पुण्य तिथि साथै स्वर्गीय धामीको जन्म दिन पनि परेकोमा अनेरास्ववियूले काठमाडौंको शंकरदेव क्याम्पसमा शोकसभासमेत आयोजना गरेको थियो ।

सो सभामा अनेरास्ववियूका महासचिव महेश श्रेष्ठले हरेक वर्ष पूर्वाञ्चल विश्वविद्यालयबाट वि.इ सिभिलमा सर्वउत्कृष्ट स्थान हासिल गर्ने विद्यार्थीलाई उनको सम्झनामा इन्जिनियर डम्बर धामी स्मृति पुरस्कार भनी ५१००० नगद राशि प्रदान गर्ने घोषणा गरेका हुन ।

साथै धामीको निधनले अनेरास्ववियूलाई मात्र नभएर सिङ्गो विद्यार्थी आन्दोलनलाई नै ठुलो क्षति पुगेको महासचिव श्रेष्ठले बताए।