काठमाडौँ– पछिल्ला केही वर्ष यता देशको राजधानी काठमाडौँसहित प्रमुख शहरमा वायु प्रदूषण बढ्दै गएको छ । जसका कारण विभिन्न रोग र सङ्क्रमणको जोखिम समेत बढेको छ ।

वायु प्रदूषण बढ्दा बाहिर निस्कँदा सास फेर्न गाह्रो हुने, रुघाखोकी लाग्ने, आँखा पोल्ने लगायतका समस्या देखा पर्दछन् । यस्तोमा बाहिर निस्कँदा अनिवार्य मास्क लगाउने तथा कामबिना बाहिर निस्कनु हुँदैन ।

वायु प्रदूषण बढ्नुका मुख्य कारणहरू
– अत्यधिक सवारी साधनको प्रयोग
– पुराना सवारी साधन विस्थापित गर्न नसक्नु
– सवारीका धुवाँ धुलोलाई नियन्त्रण नगरिनु
– जथाभावी फोहोरमैला फाल्नु
– मानव बस्ती नजिकै कलकारखाना हुनु
– कीटनाशक औषधिको प्रयोग बढ्नु
– बढ्दो सहरीकरण
– आगलागीका घटना बढ्नु

वायु प्रदूषणले स्वास्थ्यमा पार्ने असरहरू
– एलर्जी हुने
– रुघाखोकी लाग्ने
– फोक्सोमा प्रत्यक्ष असर
– आँखामा असर, आँखा पोल्ने, चिलाउने
– निमोनिया
– घाँटीको क्यान्सर

वायु प्रदूषणबाट बच्ने उपायहरू
– मानव बस्ती वरिपरि धुँवाजन्य पदार्थहरू नजलाउने अर्थात् कलकारखाना तथा उद्योगभन्दा मानव बस्तीबाट टाढा राख्ने
– विद्युत् शक्ति र सौर्य ऊर्जाको प्रयोगमा विशेष जोड दिने
– ढल निकासको उचित व्यवस्था गर्ने
– व्यवस्थित शहरीकरणको विकास गर्ने
– खोला, नाला, नदी ताल, सडकको गल्ली आदिमा फोहोरमैला नफाल्ने