काठमाडौं- खबरहबडटकमका विराटनगर संवाददाता ध्रुव भट्टराई कोशी प्रदेश पत्रकार महासंघको सचिव खुलामा निर्विरोध निर्वाचित भएका छन् ।

उनी यसअगाडि पनि कार्यसमिति सदस्य थिए । उनी कांग्रेसनिकट नेपाल प्रेस युनियनको एउटा समूह, प्रेस सेन्टर र समाजवादी प्रेस संगठनको समूहबाट उम्मेदवार थिए । उनको समूहबाट अध्यक्षका लागि विवेक गौतमको उम्मेदवारी छ ।

भट्टराई समाजवादी प्रेस संगठन मोरङका अध्यक्ष समेत हुन् । महासंघ कोशी प्रदेश निर्वाचन समितिले मंगलबार उम्मेद्वारहरुको अन्तिम नामावली प्रकाशन गर्दै भट्टराई सचिवमा निर्विरोध निर्वाचित भएको जनाएको छ।

टेलिभिजन पत्रकारिता समेत गरेका भट्टराई विराटनगरका सक्रिय पत्रकार हुन् । भट्टराईसँगै कोशी प्रदेशको सदस्यहरू अमृता विश्वकर्मा र बुद्धमाया सोङ्मी बिनु चेम्जोङ निर्विरोध निर्वाचित भएका हुन् ।