काठमाडौं – जनता समाजवादी पार्टी (जसपा)का अध्यक्ष उपेन्द्र यादवले नेपालमा संघीयता र गणतन्त्र स्थापन गर्न मधेश आन्दोलनको महत्वपूर्ण भूमिका भएको बताएका छन् ।

जसपा नेपालको राष्ट्रिय एकता महाधिवेशन उद्घाटन सत्रलाई सम्बोधन गर्दै यादवले मधेश आन्दोलन नभएको भए नेपालमा संघीयता र गणतन्त्र नआउने दाबी गरेका हुन् ।

उनले भने, ‘मधेश आन्दोलन नभएको भए नेपालमा संघीयता र गणतन्त्र आउने थिएन । आन्दोलनको बलबाट धेरै महत्वपूर्ण उपलब्धी हात पारेका छौं । अब सडक र सदनमा सँगसँगै सघर्ष गरि प्राप्त उपलब्धीको संरक्षण गर्नुपर्छ ।’

साथै उनले दुईतिहाइभन्दा बढी सीमान्तकृत समुदायका समस्यालाई राज्यले वेवास्ता गरेको बताए । देशलाई विकास र समाजवादतर्फ अग्रसर गराउन सीमात्तकृत समुदायलाई सरकारले प्राथामिकतामा राख्नुपर्ने उनको भनाइ छ ।