काठमाडौं– नेपाल वायुसेवा निगमका तत्कालीन महाप्रवन्धक सुगरत्न कंसाकारले अख्तियार एक अदृष्य मतियारको रायलाई ठिक भन्ने निष्कर्षमा अख्तियार दुरुपयोग अनुसन्धान आयोग पुगेको बताएका छन् ।

नेपाल वायुसेवा निगमको जहाज खरिद प्रकरणमा विशेष अदालतले दोषी प्रमाणित गरेपछि कंसाकारले सोमबार सामाजिक सञ्जाल फेसबुकमार्फत् यसो भनेका हुन् ।

सयौँ साइन्टिष्ट र हजारौँ इन्जिनियर काम गर्ने एयरबस कम्पनी र मुलुकको समग्र उड्डयन क्षेत्रको नियमन गर्ने निकाय नागरिक उड्डयन प्राधिकरणको राय बेठिक तर अदृश्य शक्तिको मतियारको राय ठिक भन्ने निष्कर्षमा अख्तियार पुगेको उनले बताएका हुन् ।

उनले सामान्य कुरालाई बङ्ग्याएर अदृश्य शक्तिले विभिन्न बहाना र एक लेम्यानले बुझ्दै नबुझ्ने प्राविधिक जार्गन प्रयोग गरी अलमलमा पारेर केही मिडियामार्फत् हल्लाखल्ला गरिएको दाबी गरेका छन् ।

उनले त्यस जालमा अख्तियार नराम्रोसँग फसेको दाबी उनको छ । प्राविधिक रुपमा प्रमाणित गर्न सकिने तथ्यलाई पनि अख्तायरले बेवास्ता गरेको उनको भनाइ छ ।

‘महत्वपूर्ण प्रश्न त विशेष अदालतका तीनजना न्यायाधीशको इजलाशमा यो विषयमा २२ जना वकिलले २२ दिनसम्म सम्झाउँदा बुझाउँदा पनि केही नलागेको कारण के होला रु’, उनले भनेका छन्, ‘एक महत्वपूर्ण विकासको काममा यसरी भाँजो हाल्दा समग्र कर्मचारीतन्त्र त्रसित भएर विकासको गतिमा नराम्रोसँग असर पर्न सक्छ भनेर किन चिन्ता नगरेको होला ?’