काठमाडौं – ललितपुरको भोलिन्टियर फर चेन्ज (भीएफसी) युथ कोहोर्टले क्याप परियोजना अन्तर्गत नदी सरसफाइ अभियान सञ्चालन गरेको छ।

यसले बागमती नदीको बुङमती क्षेत्रमा महत्त्वपूर्ण प्रभाव पारेको छ । यो कार्यक्रममा ७५ जना सहभागीहरू एकत्रित भएका थिए । यीमध्ये २२ जना नेपाली सेना, ४ जना सशस्त्र प्रहरी बलका अधिकारीहरू, र रोटरी क्लब बालाजुका स्वयंसेवकहरू समावेश थिए। यस अभियान कुल १,१२० किलो फोहोर संकलन भएको थियो।

क्याप परियोजना अन्तर्गत तालिम प्राप्त गरेका भीएफसी युथ कोहोर्टका सदस्यहरूले सो कार्यक्रमको नेतृत्व गरेका हुन्, जसले वातावरणीय क्रियाकलापमा युवाहरूको शक्तिलाई संलग्न गर्दै आइरहेको छ।

सो कार्यक्रममा नेपाली सेनाका जमादार ईश्वरी पी. भट्टराईको उपस्थितिसमेत रहेको थियो ।