काठमाडौं– शुक्रबारदेखि प्रदर्शनरत ‘लण्डन टू पेरिस’ नायक निश्चल खड्काको पहिलो फिल्म हो । एक दशक मोडलिङ गरेका उनले अब फिल्ममा यात्रा थालेका हुन् ।

निश्चलले पहिलो फिल्ममा नायिका साम्राज्ञी राज्यलक्ष्मी शाहसँग रोमान्स गरेका छन् । सानैदेखि फिल्मको हिरो बन्ने लक्ष्य भएकाले मोडलिङमा लागेको उनी बताउँछन् ।

भन्छन्, ‘मेरो लक्ष्य नै फिल्मको हिरो बन्ने थियो । सानैदेखि मेरो स्पष्ट लक्ष्य भनेको नै फिल्म हो ।’

पढ्न सिलसिलामा अस्ट्रेलिया पुगेका उनको नेपालमा फर्किने कारण पनि फिल्म नै हो । त्यसपछिको दुई वर्ष २० वटाभन्दा बढी फिल्मको अडिसन दिँदा पनि अवसर नपाएपछि उनी फेरि अस्ट्रेलिया जाने मनस्थितिमा पुगेका थिए ।

‘म फाइनल भएको दुईवटा फिल्म कारणवश बनेनन् । एउटामा सहायक निर्देशक भएर काम गरेँ,’ उनी भन्छन्, ‘फिल्ममा अवसर नपाएपछि दिक्क भएर अस्ट्रेलिया जाने मनस्थितिमा थिएँ ।’

अस्ट्रेलिया फर्किने तयारीको अन्तिममा ‘लण्डन टू पेरिस’कै अर्का नायक कविर खड्काको फोनले नेपालमा रोकेको उनी बताउँछन् ।

‘अस्ट्रेलिया जान टिकट भनिसकेको थिएँ । कविरले अडिसनमा बोलायो,’ उनी भन्छन्, ‘फिल्म नपाए पनि चिनजान बढ्छ भनेर गएँ, तर अडिसन पास भएँ । त्यसपछि एजेन्टलाई फोन गरेर टिकट नकाट्नु भनेँ ।’

‘लण्डन टू पेरिस’का उनै नायकसँग खबरहबका संगम ढकालले गरेको कुराकानी :

भिडियो :