काठमाडौं – इन्डियन प्रिमियर लिग (आईपिएल) अन्तर्गत गएराति भएको खेलमा सनराइजर्स हैदरावादका ओपनर टेभिस हेडले मात्र १६ बलमा अर्धशतक बनाएका छन्।

लखनउ सुपर जायन्ट्समाथि १० विकेटको ऐतिहासिक जित निकालेको खेलमा ओपनर हेडले आईपिएल इतिहासकै थोरै बलमा अर्धशतक बनाएका हुन्।

राजीव गान्धी अन्तर्राष्‍ट्रिय स्टेडियममा टस जितेर पहिला ब्याटिङ गरेको लखनउले दिएको १६६ रनको लक्ष्य हैदरावादले ९.४ ओभरमै १६७ रन बनाएर भेट्टाएको थियो।

४.४ ओभरमै १६ बल खेल्दै हेडले अर्धशतक पूरा गरेका थिए। हेडले ५ चौका र ५ छक्का प्रहार गर्दै ५० रन पूरा गरेका हुन्। लखनउविरुद्ध हेडले ३० बलमा ८ चौका र ८ छक्काको मद्दतमा नटआउट ८९ रन बनाए।

अर्का ओपनर अभिषेकले १९ बलमा अर्धशतक पूरा गरेका थिए। ६.३ ओभर खेल्दै अभिषेकले ६ चौका र ४ छक्काको मद्दतमा अर्धशतक पूरा गरेका थिए। उनले २८ बल खेल्दै ८ चौका र ६ छक्काको मद्दतमा नटआउट ७५ रन बनाए।

सबैभन्दा ठूलो साझेदारी, बिना विकेटको जित र ओपनरको ऐतिहासिक साझेदारीको रेकर्ड हैदरावादले बनाएको छ। टी–२० क्रिकेटमा १० ओभरमै १६६ रनको चुनौती पूरा गरेको रेकर्डसमेत हैदरावादले बनाएको छ।

यो पनि पढ्नुहोस्

लखनउमाथि हैदरावाद १० विकेटले विजयी : ऐतिहासिक जितमा बने धेरै रेकर्ड