भक्तपुर– भक्तपुर युवा टिम गोल्मढी भक्तपुरको आयोजनामा भइरहेको तेश्रो भक्तपुर कप फुटबल प्रतियोगिताको फाइनलमा आज पाण्डुबजार फ्रेन्डसिप क्लब पाण्डुबजार भक्तपुर र सामाजिक युथ क्लब भिड्ने भएका छन् । खेल भक्तपुर नगरपालिका– ७ स्थित महेश्वरी खेल मैदानमा बिहान ११ बजे सुरु हुनेछ ।

सेमिफाइनल खेलबाट झौखेल युनाइटेडलाई हराई पाण्डुबजार र बी आर ब्रदर्सलाई पराजित गर्दै सामाजिक युथ क्लब फाइनलमा प्रवेश गरेका हुन् ।

प्रतियोगितामा विजेता टिमलाई नगद एक लाख २५ हजार र द्वितीय हुने टोलीलाई ६५ हजार रुपैयाँ नगद पुरस्कार प्रदान गरिने जनाइको छ।

प्रतियोगिताको प्रत्येक खेलमा उत्कृष्ट खेलाडीलाई मायाको चिनो र नगद दुई हजार तथा उदयमान खेलाडीलाई एक हजार नगद पुरस्कार प्रदान गरिएको थियो।

प्रतियोगितामा कुल १६ वटा टिमको सहभागिता छ । जसमा भक्तपुरका ११, काठमाडौँका दुई, काभ्रेका दुई र ललितपुरको एक टोली छन् ।