ललितपुर- दशैंतिहार सकिएलगत्तै देशभरका अधिकांश किसान यतिबेला धान काट्ने चटारोमा छन् । अर्कातिर खेतबारी खाली गरेर गहुँसहितका बाली छर्ने काम पनि सुरु हुन लागेको छ ।

काठमाडौं उपत्यकाकै ऐतिहासिक र सांस्कृतिक महत्त्वको ठाउँ ललितपुरको खोकनामा पनि यतिबेला किसानलाई धान काटेर थन्क्याउने चटारो छ ।

खोकनामा यतिबेला कोही किसान धान काट्न खटिएका छन् भने कोही धान झार्न व्यस्त छन् । यस पटक धान राम्रो फलेकाले उनीहरू खुसी देखिएका छन् ।

यो वर्ष मनसुनले नेपाली कृषकलाई साथ दिँदा समयमै धान रोप्न सफल भएकाले त्यहीअनुसार फलेको पनि छ ।

कृषि विभागका अनुसार गत वर्षको तुलनामा यस वर्ष १३ लाख ४९ हजार हेक्टर बढीमा धान रोपाइँ भएको छ ।

अरु बेला पर्याप्त सिँचाइ सुविधा नहुँदा धान रोप्न आकाशे पानीको भर्नुपर्नु पर्थ्यो । तर यस वर्ष पर्याप्त पानी परेकाले छिट्टै धान रोप्दा किसानको मुहार चम्किएको छ ।

तस्बिरहरू : नेपाल फोटो लाइब्रेरी