चितवन– पहिरोले पृथ्वीराजमार्ग अन्तर्गत मुग्लिन–मलेखु-काठमाडौं सडकखण्ड पहिरो हटाएपछि खुलेको छ।

बुधबार बिहान झरेको पहिरोले अवरुद्ध सडक करिब ५ घण्टा लगाएर पहिरो पन्छाइसकेपछि खुलेको हो ।

इलाका प्रहरी कार्यालय मुग्लिनका प्रहरी निरीक्षक निरला भण्डारीका अनुसार पृथ्वीराजमार्गअन्तर्गत चितवनको इच्छाकामना–४ नाग्दीखोलामा पहिरो खसेपछि सडक अवरुद्ध भएको थियो ।

उक्त पहिरो सडक विभागको डोजर र लोडरको प्रयोग गरेर पन्छाउन ५ घण्टासम्म लागेको हो । त्यसक्रममा दुवैतर्फ कयौँ किलोमिटरसम्म सवारीको जाम लागेको थियो ।

पहिरो खसेको झण्डै ५ घण्टापछि डोजरले हटाएर मुग्लिङ-काठमाडौं सडक एकतर्फी खुले पनि जाम अझै कम भएको छैन । नारायणगढ–मुग्लिन तथा मुग्लिङ–पोखरा सडक नियमित रूपमा सञ्चालनमा छ ।

सबै तस्बिरहरू : विनोद श्रेष्ठ/मुग्लिन बजार